Árið 2021 var mér fengið það hlutverk að hanna útlit fyrir ársfund Orkuveitu Reykjavíkur. Útlit sem átti að lifa einungis fyrir þennan viðburð eins og oft áður. Lítið og skemmtilegt verkefni. Þetta útlit varð í kjölfarið smátt og smátt sterkur hluti af mörkun OR og alveg til ársins 2024 þegar Orkuveita Reykjavíkur varð að Orkuveitunni.

Við hönnunina á efninu þá hafði ég í huga starfsemi Orkuveitu Reykjavíkur. En fyrirtækið var orku- og veitufyrirtæki sem nýtti náttúruauðlindir á sjálfbæran hátt og veitti fólki rafmagn, heitt og kalt vatn, fráveitu og ljósleiðara. Grafíkin endurspeglaði því á abstraktann hátt þessar tengingar sem þau veittu, jörðina sem er auðlind okkar og hvernig þau unnu að því að auka lífsgæði okkar.

Ég vildi skapa efni sem væri einfalt, auðvelt að útfæra á mismunandi miðlum og um leið nútímalegt og ferskt.